കണ്ണവം: കണ്ണവത്ത് രണ്ടിടങ്ങളിലായി റോഡിൽ ബോംബ് സ്ഫോടനം. കണ്ണവം റെയ്ഞ്ച് ഫോറസ്റ്റ് ഓഫീസിന് സമീപവും ചുണ്ടയിലുമാണ് സംഭവം. സ്ഫോടനത്തിന്റെ ശക്തമായ ആഘാതത്തിൽ റെയ്ഞ്ച് ഓഫീസിന് സമീപത്തെ കെട്ടിടത്തിന്റെ ജനൽ ഗ്ലാസുകൾ തകർന്നു വീണു. ആളപായമൊന്നും റിപ്പോർട്ട് ചെയ്തിട്ടില്ല.സംഭവസ്ഥലത്ത് കണ്ണവം പോലീസും ബോംബ്-ഡോഗ് സ്‌ക്വാഡുകളും എത്തി വിപുലമായ പരിശോധന ആരംഭിച്ചിട്ടുണ്ട്. സ്റ്റീൽ ബോംബാണ് പൊട്ടിത്തെറിച്ചതെന്നാണ് പോലീസിന്റെ പ്രാഥമിക നിഗമനം.
സ്ഫോടനത്തിന് പിന്നിൽ പ്രവർത്തിച്ചവരെ കണ്ടെത്താനായി പ്രദേശത്തെ സിസിടിവിദൃശ്യങ്ങൾ കേന്ദ്രീകരിച്ചും നാട്ടുകാരിൽ നിന്നും വിവരങ്ങൾ ശേഖരിച്ചും പോലീസ് അന്വേഷണം ഊർജ്ജിതമാക്കിയിട്ടുണ്ട്.
Bomb blast in Kannavatham
